Komala

ڕۆژی دووشەممە ٢٥ی بەفرانبار دەفتەری سەرۆکوەزیران و وەزارەتی دارایی ئیسرائیل ڕایگەیاند کە کابینەی ئەو وڵاتە لە پێشنووسی بوودجەی ساڵی ٢٠٢٤ی دەوڵەتەکەیدا گۆڕانکاریی نوێی کردووە.
کابینەی دەوڵەتی ئیسرائیل لە بوودجەی ئەمساڵدا  ١٥ میلیارد دۆلاری بۆ شەڕی غەزە و کاروباری بەرگەری ئەو وڵاتە بە شێوەی تایبەت تەرخان کردووە؛ دوای پەسەندکرانی ئەو بوودجەیە، بوودجەی ساڵانەی ئیسرائیل بەگشتی بوو بە ١٥٧ میلیارد دۆلار.
ئیسرائیل ساڵی ڕابردوو بوودجەی ساڵی ٢٠٢٣ و ٢٠٢٤ی دیاری کردبوو، بەڵام بە هۆی شەڕی غەززە و زۆربوونی تێچووی ئەو شەڕە، جارێکی دیکە مەجبوور بە داڕشتنی بەرنامەی بوودجە بووەوە.