Komala

ڕۆژی پێنجشەممە ١٨ی ڕەشەممە، ئەندامانی ئەنجوومەنی سێنفی موعەلیمانی کوردستان “مەریوان-سەراوا-سەقز و زێوییە” لەگەڵ مەسعوود کوردپوور موعەلیمی دەرکراو لە شاری بۆکان، دیدار و چاوپێکەوتنیان کرد.

جێگەی ئاماژەیە، “مەسعوود کوردپوور” بەهۆی پشتیوانی لە بزووتنەوەی ژینا و شۆڕشی ژن ژیان ئازادی، ڕۆژی ٢٩ی خەرمانان لە شاری بۆکان دەستبەسەر و دوای پێنج مانگ لە زیندان ئازاد کرا. ئەنجوومەنی سێنفی موعەلیمانی کوردستان “مەریوان، سەراوا، سەقز و زێوییە” وێڕای ڕێزگرتن لە هەوڵ و تێکۆشانی مەسعوود کوردپوور، جەختیان کردەوە کە کۆمەڵگای فەرهەنگیانی کوردستان، هەوڵەکانی ئەو لەبیر ناکات و هەمیشە ڕێز لە لەخۆبردوویی دەگرێت.