دێهلۆڕان؛ مێرمنداڵێکی تەمەن ١٧ ساڵ دەستبەسەر کرا
سێشەممە ۲۸-۰۶-۱۴۰۲ | 19-09-2023
ڕۆژی یەکشەممە ٢٦ی خەرمانان، بێهنام سەمووری، مێرمنداڵی تەمەن ١٧ ساڵ، لەلایەن هێزە ئەمنییەتییەکانی ڕژیمەوە دەستبەسەر کرا و بۆ شوێنێکی نادیار ڕاگوێزرا.
بەوتەی سەرچاوەیەکی ئاگادار، هێزە ئەمنییەتییەکان بەبێ هیچ هۆکارێک بێهنامیان دەستبەسەر کردووە.
هەتا کاتی بڵابوونەوەی ئەم هەواڵە، لە هۆکاری دەسبەسەرکران و تۆمەتی وەپاڵدراو دژی بێهنام سەمووری، زانیارییەک دەست نەکەوتووە.