سێ هاووڵاتی بە ناوەکانی ساڵح میرهاشمی، مەجید کازمی، سەعید یەعقوبی، لە لایەن دادگای ڕژیمەوە بە ٣٠ ساڵ زیندانی هەڵپەسێردراو و ئێعدام و هەروەها ئەمیر نەسر ئازادانی بە ٢٦ ساڵ زیندان و سۆهەیل جەهانگیری، بە دوو ساڵ زیندان مەحکووم کراون.
شایانی باسە کە، سێ کەس لە دەستبەسەر کراوانی ئەم دواییانە لە شاری ئیسفەهان کە بە ئێعدام ٣٠ ساڵ زیندان مەحکووم کراون، بە تاوانی [بە کارهێنانی چەک و کوشتنی سێ کەس لە هێزەکانی ڕژیم]، [هەوڵدان لەدژی نیزام]، [کۆبوونەوە و تەبانی لەدژی نیزام] و [تێکدانی ئاسایشی گشتی]، دەستبەسەر و دادگایی کراون. هەروەها [ئەمیر نەسر ئازادانی] یاریزان و خەڵکی شاری ئیسفەهان بە تۆمەتی [تێکدانی ئەمنییەتی میلی، ئەندامبوون لە کۆبوونەوەی نایاسایی، هەوڵدان لەدژی نیزام و ئەو شتەی کە ناوی دەنێن معاونت لە محاربە]، بە ٢٦ ساڵ زیندانی هەڵپەسێردراو مەحکووم کراوە. لە لایەکی دیکەوە سۆهەیل جەهانگیری بە تۆمەتی کۆبوونەوە و تەبانی لە دژی ئەمنییەتی میلی بە دوو ساڵ زیندانی هەڵپەسێردراو مەحکووم کراوە.