Komala

هاووڵاتیەکی خەڵکی شارۆچکەی مورموری سەر بە شاری ئاودانان لە پارێزگای ئیلام، دەستبەسەر کراوە و بۆ شوێنێکی نادیار گواستراوەتەوە. ڕۆژی دووشەممە ١٠ی ڕەزبەر، ئەحمەد تەکلیفی، تەمەن ٣٧ ساڵ، دانیشتووی شاری مورموری سەر بە ئاودانان، لەلایەن هێزە ئەمنییەکانەوە دەستبەسەر کراوە. بە وتەی سەرچاوەیەکی ئاگادار، هەوڵەکانی بنەماڵەی ئەم هاووڵاتییە لە چەند ڕۆژی ڕابردوودا بۆ بەدەست هێنانی زانیاری لەسەر چارەنووسی ئەحمەد تەکلیفی بێ ئاکام ماوەتەوە و ناوەندە ئەمنییەکان لەمبارەوە هیچ وەڵامێکیان نەداوەتەوە. تا داڕشتنی ئەم هەواڵە، هیچ زانیارییەکی ورد لەسەر هۆکاری دەستبەسەرکران و ئەو تۆمەتانەی دراوەتە پاڵ ئەحمەد تەکلیفی و شوێنی مانەوە و چارەنووسی بەر دەستدا نییە.