دەستبەسەرکرانی ٤ هاووڵاتی لە ڕوانسەر کە ٣ کەسیان منداڵن
پێنجشەممە ۲۴-۰۹-۱۴۰۱ | 15-12-2022
ڕۆژی چوارشەممە، ١٦ی سەرماوەز، دانیال محەممەدی، تەمەن ٢٥ ساڵ و ئارین پیری تەمەن ١٧ ساڵ لە شاری ڕوانسەر، لەلایەن هێزەکانی ڕژیمەوە دەستبەسەرکران.هەروەها، ڕۆژی سێشەممە ١٥ی سەرماوەز، هەر لەو شارە دوو قوتابی تەمەن ١٧ساڵ بەناوەکانی کیان خوڕەمی و سروش شەریفی لەلایەن ئەو هێزانەوە دەستبەسەرکراون.
بەپێی ئەو زانیارییانەی بەدەستمان گەیشتووە، ئەم چوار هاووڵاتییە دوای تەواوبوونی لێکۆڵینەوە بۆ بەندیخانەی دیزڵ ئابادی کرمانشا گواستراونەتەوە.