Komala

لە درێژەی شەپۆلی دەستبەسەرکران و ڕفاندنی هاووڵاتییان، لانیکەم ٦ هاووڵاتی خەڵکی کامیاران بە نێوەکانی: هیوا تابعی، زانیار قوربانی، ئارمین ئەحمەدی، حوسێن فەتحی، موحسین مارابی و عادڵ ئیمامی لەلایەن هێزەکانی ئیتلاعاتی ڕژیمەوە ڕفێندراون.
هیوا تابعی و ئارمین ئەحمەدی لە ڕۆژی پێنجشەممە، ١٢ی خەزەڵوەر، لەلایەن هێزەکانی ڕژیمەوە ڕفێندراون.
هەروەها، حوسێن فەتحی، لە ڕۆژی چوارشەممە، ١١ی خەزەڵوەر، لەلایەن هێزەکانی ئیتلاعات ڕفێندراوە.
هێزەکانی ئیتلاعاتی ڕژیم، ڕۆژی پێنجشەممە، ٥ی خەزەڵوەر، موحسین مارابییان ڕفاندووە.
عادڵ ئیمامی، لە ڕۆژی چوارشەممە، ٤ی خەزەڵوەر هەر لەلایەن ئەو هێزانە لە شەقامی “تەروەرێز”ی شاری کامیاران ڕفێندراوە.
هەتا ئێستا چارەنووس و شوێنی ڕاگیرانی ئەم هاووڵاتییانە نادیارە و بەدواداچوونەکانی بنەماڵەکانیان بێ ئاکام ماوەتەوە.