Komala

نزیکەی چل ڕۆژ لەوە پێش نیما ئەڵماسی، تەمەن ١٨ ساڵ و ئەمیر ئەحمەدی، تەمەن ٢٢ ساڵ دوای دەستبەسەرکرانیان لەلایەن ئیدارەی ئیتلاعاتەوە، بۆ یەکێک لە دەستبەسەرگەکانی ئەو ناوەندە ئەمنییە لە کرماشان گواستراونەتەوە و هێشتا چارەنووسیان نادیارە. بەوتەی سەرچاوەیەکی ئاگادار، نیما ئەڵماسی و ئەمیر ئەحمەدی، لەو ماوەیەدا تەنیا یەک پەیوەندیی تەلەفۆنی کورتماوەیان بووە و زانیارییەکی ورد سەبارەت بە شوێنی ڕاگرتن و بارودۆخی دەستبەسەربوونیان لەبەر دەستدا نییە و هەر ئەوە نیگەرانی جددیی بنەماڵەکانیانی لێکەوتووەتەوە. شایانی باسە کە نیما ئەڵماسی و ئەمیر ئەحمەدی، حەفتەی ئەوەڵی مانگی ڕەزبەری ئەمساڵ، دوای گەڕانەوەیان بەرەو ئێران، دەستبەسەرکران و بۆ یەکێک لە دەستبەسەرگەکانی وەزارەتی ئیتلاعات لە کرماشان گواسترانەوە.