Komala

بەرەبەیانی ڕۆژی هەینی ٢٤ی خەرمانان، “ئەشکان فەهیم” و “ڕەزا ئەندیشە” لە ماڵەکانیاندا لە گەڕەکی گۆڕەپانی ئیستقلالی مەهاباد لەلایەن هێزەکانی سپای پاسدارانەوە بە شێوەیەکی توندوتیژانە و بە بەکارهێنانی لێدان و کوتان دەستبەسەرکران.
بەوتەی سەرچاوەیەکی ئاگادار، هێزەکانی سپای پاسداران لە کاتێکدا کە، دەموچاویان شاراوە بووە، دوای شکاندنی دەرگای ماڵ بە دەستڕێژی گوللە، چوونەتە ناو ماڵ و بەشێوازێکی توندوتیژانە، ئەم دوو هاووڵاتییەیان دەستبەسەر کردووە. هەتا کاتی داڕشتنی ئەم هەواڵە، هیچ زانیارییەک لەسەر چارەنووس، شوێنی ڕاگیران و ئەو تۆمەتانەی کە دراونەتە پاڵ ئەشکان فەهیم و ڕەزا ئەندیشە لەبەر دەست دا نییە.