بەپێی ڕاپۆرتەکان، ڕۆژی شەممە ١١ی ڕەشەممە، “جەواد عەلی کوردی” پارێزەر و دانیشتووی شاری مەشهەد، لە ئەنجامی هێرشی هێزەکانی ئیدارەی ئیتلاعات بۆ سەر نووسینگەکەی لەمشارە دەستبەسەر کرا.
بەپێی زانیارییەکان، جەواد عەلی کوردی لەم دواییانەدا لە وەڵامی هێزەکانی ئیدارەی ئیتلاعات کە داوایان کردبوو بەمەبەستی جێبەجێ کرانی حوکمی بەندکرانەکەی سەردانی لقی جێبەجێ کرانی سزاکانی مەشهەد بکات وتبووی، ئەو ڕەوتە پێویستە بە بەرگەی بانگکران لە لایەن خانەی دادی جێبەجێ کرانی سزاکانەوە ئەنجام بدرێت.
جەواد عەلیکوردی پاش هەڵوەشاندنەوەی جێبەجێکرانی سزای بەندکرانەکەی، مانگی ڕێبەندانی ئەمساڵ لە لایەن لقی ٣٧ی دادگای پێداچوونەوەی خوراسانی ڕەزەوی، حوکمی ١٦ مانگ بەندکران، ٢ ساڵ قەدەغەی کاری پسپۆڕی و ٢ ساڵ قەدەغەی چوونەدەرەوە لە ئێرانی بەسەردا سەپێندرابوو. جێگای ئاماژەیە، ناوبراو پێشتر لە لایەن دادگای شۆڕشی مەشهەد بە تۆمەتی “پێکهێنان و بەڕێوەبردنی گرووپ بەمەبەستی ڕووخاندنی حکومەت” حوکمی دوو ساڵ بەندکران، بە تۆمەتی “سووکایەتیکردن بە خامنەیی” حوکمی هەشت مانگ و بە تۆمەتی “پڕۆپاگەندەی دژ بە حکومەت” حوکمی یەک ساڵ و پێنج مانگ بەندکرانی بەسەردا سەپێندرابوو کە ئەو سزایە بۆ ماوەی سێ ساڵ هەڵپەسێردراوە.