Komala

ڕۆژی شەممە ٢٥ی ڕەشەممە، “فواد کشاوەرز” هونەرمەندی لاو و خەڵکی شاری سەقز بە فەرمانی داواکاری گشتیی ئەمشارە، لەلایەن هێزەکانی ئیدارەی ئیتلاعاتەوە دەستبەسەر و بۆ شوێنێکی نادیار گواسترایەوە.
ئەم هونەرمەندە ڕۆژێک دوای بەشداریکردنی لە ڕێوڕەسمی نەورۆزی شارۆچکەی ساحێو کە بە ئامادەبوونی زیاتر لە ٣٠ هەزار کەس بەڕێوەچوو دەستبەسەرکراوە. لە لایەکی دیکەوە و هەر لەم پێوەندەدا، ڕۆژی هەینی ٢٤ی ڕەشەممە، “کەماڵ تەهایی” هاووڵاتیی خەڵکی گەڕەکی “تاچیناوێ”ی سەر بە شاری شنۆ بە بەکارهێنانی توندوتیژیی لە لایەن هێزە ئەمنییەکانی ڕژیم دەستبەسەر کراوە.