Komala

بە پێی ڕاپۆرتەکان، ڕۆژی شەممە ١٤ی ڕەشەممەی ١٤٠٣، هاووڵاتییەک بە ناوی “مەحمود نادری” ٤٦ ساڵ تەمەن و خەڵکی ئاوایی “دادانە کەمانگەر” و دانیشتووی شاری سنە، دوای بانگ کران و ئامادەبوونی لە ئیدارەی ئیتلاعاتی ئەمشارە دەستبەسەر کراوە.
بە گوێرەی زانیارییەکان، بنەماڵەی ئەم هاووڵاتییە بە مەبەستی ئاگادار بوونیان لە دۆخ و چارەنوسی سەردانی ئیدارەی ئیتلاعاتیان کردووە و لەوێ پێیان ڕاگەینراوە مەحمود نادری دەستبەسەر کراوە و بۆ بەدواداچوون سەردانی دادگا بکەن. شایانی باسە ئەم هاووڵاتییە پێشتریش چەندین جار بۆ ئیدارەی ئیتلاعات بانگ و لێپرسینەوەی لەگەڵدا کراوە.