Komala

بە پێی ڕاپۆرتەکان، ڕۆژی شەممە ١٢ی جۆزەردان، مەسعوود داڵوەند تەمەن ٣٥ ساڵ، لە لایەن هێزەکانی ئیتلاعاتی سپای پاسداران دەستبەسەر کرا.
بە وتەی سەرچاوەیەکی ئاگادار، مەسعوود داڵوەند لە دووکانی میوەفرۆشیەکەی، کە لە (شهرکی حکمتی) خوڕەماوا بووە دەستبەسەر کراوە. بەدواداچوونی بارودۆخی ئەو هاووڵاتییە لە لایەن بنەماڵەکەی بە ئەنجامێک نەگەیشتووە و تا کاتی بڵاو کردنەوەی ئەو هەواڵە لە شوێن و چۆنیەتی ڕاگرتن و تۆمەتە هەڵبەستراوەکانی دژی ئەم هاووڵاتییە، هیچ زانیارییەک لەبەردەستدا نییە.