Komala

ڕۆژی پێنجشەممە ١٤ی پووشپەڕ، کورش شەریفپوور، تەمەن ٤٥ ساڵ و خەڵکی دیواندەرە، لە لایەن هێزەکانی ئیدارەی ئیتلاعاتەوە دەستبەسەر کرا.
بەوتەی سەرچاوەیەکی ئاگادار، دەستبەسەر کرانی کورش شەریفپوور لە شوێنی کارەکەی لە لایەن سەرنشینانی دوو ئۆتۆمبێلی ئیدارەی ئیتلاعاتەوە ئەنجام دراوە. جێگای ئاماژەیە، هەتا کاتی داڕشتنی ئەم هەواڵە، لە هۆکارەکانی دەستبەسەرکران، ئەو تۆمەتانەی دراونەتە پاڵ ئەو هاووڵاتییە و هەروەها شوێنی ڕاگرتنەکەی زانیارییەکی ورد لەبەر دەستدا نییە.