Komala

بە پێی ڕاپۆرتەکان، ڕۆژی چوارشەممە ٨ی ڕەشەممە، مووسا تابێعی خەڵکی گوندی “لۆنە کۆن” سەر بە شاری کامیاران، لە لایەن هێزە ئەمنییەکانی ڕژیم دەستبەسەر کرا.
بە وتەی سەرچاوەیەکی ئاگاداری نیزیک لە بنەماڵەی موسا تابێعی، ئەم هاووڵاتییە لە کاتی گەڕانەوە لە بازار بۆ ماڵی خۆی لە نیزیکی پاساژی شاهۆی کامیاران، دەستبەسەر کراوە. مووسا تابێعی کرێکاری وەرزیە و یەکێک لە مناڵەکانی خاوەن پێداویستیی تایبەتە و توانای بەڕێوەبردنی کاری ڕۆژانەی نییە. تا کاتی داڕشتنی ئەم ڕاپۆرتە لە هۆکاری دەستبەسەرکان، شوێنی ڕاگرتنی و تۆمەتە هەڵبەستراوەکان بۆ ئەم هاووڵاتییە زانیارییەکی وردە لەبەر دەستدا نییە.