Komala

بەپێی ڕاپۆرتەکان، ڕۆژی چوارشەممە ١٥ی ڕەشەممە، موجتەبا وەیسی تەمەن ٣٦ ساڵ و خەڵکی شاری کرماشان، لەلایەن هێزەکانی ئیتلاعاتی سپا لە کرماشان بە بەکارھێنانی توندوتیژی دەستبەسەر و بۆ شوێنێکی نادیار گواسترایەوە.
بەوتەی سەرچاوەیەکی ئاگادار، هێزەکانی ئیتلاعاتی سپا ئەم هاووڵاتییەیان لە پارکی شیرین لەمشارە بە بەکارھێنانی توندوتیژی دەستبەسەر کردووە و کچە کەم تەمەنەکەی کە لەگەڵی بووە هەر لەو شوێنە بەجێیان هێشتووە. تاکوو داڕشتنی ئەم ڕاپۆرتە، هۆکاری دەستبەسەرکران، ئەو تۆمەتانەی دراونەتە پاڵی، شوێنی ڕاگرتن و چارەنووسی ئەم هاووڵاتییە لەبەر دەست نییە.