Komala

ئوسامە ئەیازی، مازیار ئەحمەدی، شاهین ڕەحمانی، ئارین خاڵخاڵ و بەرزان یووسفی، پێنج هاووڵاتی خەڵکی شاری سەلاسی باوەجانی سەر بە پارێزگای کرماشان لە لایەن هێزە ئەمنییەکانی کۆماری ئیسلامییەوە دەستبەسەر کراون.
بەپێی ئەم ڕاپۆرتە، ڕۆژی چوارشەممە ١١ی ڕێبەندان، هێزە ئەمینییەکانی کۆماری ئیسلامیی هەڵیانکوتاوەتە سەر ماڵی پێنج هاووڵاتیی خەڵکی سەلاسی باوەجانی و بە بەکارهێنانی توندوتیژی دەستبەسەریان کردوون. بەوتەی سەرچاوەیەکی ئاگادار، ئەم پێنج هاوڵاتییە بە تۆمەتی «هاوکاری کردن لەگەڵ گرووپە ئیسلامییەکان» دەستبەسەر کراون و دواتر بۆ دەستبەسەرگەی ئیدارەی ئیتلاعات لە گۆڕەپانی نەوتی شاری کرماشان گواسترانەتەوە.