Komala

ڕۆژی شەممە ٢٥ی ڕەشەممە، “محەمەد دانیالی” چالاکی کولتوری-مەدەنی و ئەندامی گروپی شاخەوانی “بنار” لە ئاودانان، بە مەبەستی جێبەجێ کرانی حوکمی بەندکرانەکەی دەستبەسەر و بۆ زیندانی ناوەندیی ئیلام ڕاگوێزرا.
بە پێی ئەم ڕاپۆرتە، ناوبراو پێشتر لە لایەن دادگای دێهڵۆڕان بە تۆمەتی “کۆبوونەوە و تەبانی لە دژی ئاسایشی نەتەوەیی” و “ئەنجامدانی تاوانی کۆمەڵایەتی ” بە دوو ساڵ بەندکرانی تەعزیری بە هەژمار کرانی ماوەی دەستبەسەر بوونی پێشووی،مەحکووم کرابوو. شایانی باسە، ئەم هاووڵاتییە پێشتر لە رێکەوتی ٢٤ی گوڵانی ١٤٠٢، لە لایەن هێزە ئەمنییەکانەوە لە دێهڵۆڕان دەستبەسەر و دوای ٦٠ ڕۆژ بەندکران بە دانانی بارمتەی پێنج ملیارد تمەنی و بە شێوەی کاتی، لە زیندانی ناوەندیی ئیلام ئازاد کرابوو.