ڕۆژی یەكشەممە ٣ی خاكەلێوەی ١٤٠٤، “شنۆ محەممەدی” تەمەن ٣٤ ساڵ لەگەڵ هاوسەرەكەی “ئاریوان شاكری” تەمەن ٣٥ ساڵ، دوو چالاكی مەدەنیی خەڵكی شاری سنە، لە ئەنجامی هێرشی هێزە ئەمنییەكان بۆ سەر ماڵەكەیان لە گەڕەكی حاجیاوای ئەمشارە دەستبەسەر كران.
شایانی باسە كە، بەدواداچوونەكانی بنەماڵەی ئەم دوو هاووڵاتییە بە مەبەستی ئاگاداربوون لە چارەنووس و بارودۆخی ناوبراوان بێ ئاكام ماوەتەوە و ناوەندە ئەمنییەكان لە پێدانی هەر جۆرە وڵامێك لەم بارەیەوە خۆیان پاراستووە. هەڕوەها لە پەیوەندی لەگەڵ ڕێورەسمەکانی نەورۆز ، لانیکەم چوار چالاکی مەدەنی بە ناوەکانی “شێروان حەیدەری ، ئیدریس حەیدەری ، سیروان حاتەمی خەڵکی ئاوایی ئەوێهەنگ و مەحمود نادری” خەڵکی ئاوایی “دادانە”ی سنە ، لە لایەن هێزە ئەمنییەکانەوە دەستبەسەر کراون. تاكاتی داڕشتنی ئەم هەواڵە، زانیارییەكی ورد لەسەر شوێنی ڕاگرتن و چارەنووسی ئەم هاووڵاتیانە لەبەر دەستدا نییە.