سزای سێدارەی فەرزاد گوڵمحەممەدی لە بەندیخانەی سنە جێبەجێ کرا
چوارشەممە ۲۹-۰۹-۱۴۰۲ | 20-12-2023
سزای سێدارەی بەندکراوێکی خەڵکی کامێران کە ٨ ساڵ پێش بە تۆمەتی کوشتنی ئەنقەست دەستبەسەرکرابوو، لە بەندیخانەی ناوەندیی سنە جێبەجێکرا.
بەرەبەیانی ڕۆژی چوارشەممە ٢٩ی سەرماوەز سزای سێدارەی فەرزاد گوڵمحەممەدی تەمەن ٣٢ ساڵ و خەڵکی گوندی پاڵنگان سەر بە شاری کامێران لە بەندیخانەی ناوەندیی شاری سنە جێبەجێکرا.
فەرزاد گوڵمحەممەدی ٨ ساڵ پێش بە تۆمەتی کوشتنی ئەنقەست دەستبەسەر و دواتر لەلایەن دەزگای دادوەریی کۆماری ئیسلامیەوە سزای سێدارەی بەسەردا سەپابوو.
شیاوی ئاماژەپیدانە کە ئەم بەندکراوە ڕێکەوتی ١٨ی سەرماوەز جارێکی دیکەش بۆ ژووری تاکەکەسی گواسترابوویەوە و دوای دوو ڕۆژ گەڕێندرابوویەوە بەندی گشتی بەندیخانەی سنە.