سزای لە سێدارەدانی دوو هاووڵاتی کورد لە زیندانی ئەراک
هەینی ۱۱-۰۶-۱۴۰۱ | 02-09-2022
سزای سێدارەی دوو بەندکراوی خەڵکی کرماشان و کۆیەشت بە ناوەکانی محەممەد حەسەن کەهراری تەمەن ٢٧ ساڵ و مورتەزا تەیمووری ٢٨ ساڵ کە پێشتر سزای سێدارەیان بە سەردا سەپابوو، بەرەبەیانی ڕۆژی چوارشەممە ٩ی خەرمانان، لە بەندیخانەی ناوەندیی ئەراک جێبەجێ کرا.
جێبەجێکرانی سزای سێدارەی محەممەد حەسەن کەهراری خەڵکی شارۆچکەی دروود فەرامان سەر بە شاری کرماشان و دانیشتووی شاری کەرەج و مورتەزا تەیمووری خەڵکی کۆیەشت بەبێ ئاگاداری بنەماڵەکەنیان جێبەجێ کراوە و دوای جێبەجێکرانی سزاکەیان بنەماڵەکانیان بۆ وەرگرتنەوەی تەرمەکانیان ئاگادار کردووەتەوە.