سەپاندنی حوکمی ١٠ مانگ زیندان بەسەر هاووڵاتییەکی خەڵکی بۆکان
دوشەممە ۰۷-۰۸-۱۴۰۳ | 28-10-2024
بە پێی ڕاپۆرتەکان، لەو دواییانەدا مەلیحە عەبدولقادری، هاووڵاتیی خەڵکی شاری بۆکان، لە لایەن لقی ١٠١ی دادگای تاوانەکانی ئەمشارە بە تۆمەتی «پڕوپاگەندە دژی ڕژێم» بە ١٠مانگ زیندان مەحکووم کراوە و ئەو حوکمە لە ڕێکەوتی ٨ی ڕەبەزەوە بە شێوەی فەرمی بەناوبراو ڕاگەیەندراوە.
شایانی باسە، مەلیحە عەبدولقادری ڕۆژی چوارشەممە ١٠ی گەلاوێژی ئەمساڵ، دوای بانگ کرانی بۆ ئیدارەی ئیتلاعاتی بۆکان، دەستبەسەر و بۆ دەستبەسەرگەی ئەم دامەزراوە ئەمنییەتییە لە ورمێ گوازرابوویەوە. ناوبراو دوای چەند ڕۆژ دەستبەسەرکران بە دانانی بارمتە و بە شێوەی کاتی تا تەواو بوونی پرۆسەی دادگایی کردنەکەی لە زیندان ئازاد کرابوو.