سەپاندنی سزای زیاتر لە ٦٤ ساڵ زیندان بەسەر ٧ هاووڵاتیی لە پیرانشار
هەینی ۲۳-۱۰-۱۴۰۱ | 13-01-2023
ڕاپۆرتەکان ئاماژە بەوە دەکەن کە حەوت هاووڵاتی خەڵکی پیرانشار، لە لایەن دادگای ڕژیمەوە بە ٦٤ ساڵ و ٩ مانگ زیندان مەحکووم کراون.
بەپێی ئەم ڕاپۆرتە، حەوت هاووڵاتی خەڵکی پیرانشار بە ناوەکانی [عەلی بەخشوودی، ئیحسان گولابی، محەممەد ئیبراهیمی، هیوا مەحموودی، ئیسماعیل تەجەلا، ئارام خالیدی نەسب و عەلیڕەزا محەممەدی ئەرشەد]، کە لە ڕەوتی ئاخێزی جەماوەریی ئەم دواییانەی خەڵکی پیرانشار دەستبەسەر کرابوون، لە لایەن لقی ١٠٢ی دادگای تاوانەکانی ٢ی ئەمشارە، سزای زیندانیان بەسەردا سەپێندرا.