سەپاندنی سێ مانگ زیندان بەسەر قوباد یاری
دوشەممە ۲۴-۱۱-۱۴۰۱ | 13-02-2023
بەپێی ڕاپۆرتەکان، “قوباد یاری”، چالاکی مەدەنی و سەرۆکی ئەنجوومەنی گوندی “تاج‌ئاوا”ی سەر بە شاری بەهار لە پارێزگای هەمەدان، لە لایەن دادگای تاوانەکانی ئەوشارە، سزای ٩١ ڕۆژ زیندانی بەسەردا سەپێندرا.
بەپێی ئەم ڕاپۆرتە، لقی ١٠١ی دادگای “تاوانەکانی دوو”ی شاری بەهار، قوباد یاری بە تۆمەتی”پڕوپاگاندا لە دژی نیزام”، سەرجەم بە ٣ مانگ و ١ ڕۆژ زیندان مەحکووم کردووە. جێگەی ئاماژەیە، قوباد یاری لە مانگی خەزەڵوەری ئەمساڵ، لە لایەن ئیتلاعاتی سپای پاسدارانەوە دەستبەسەر و پاش کۆتایی قۆناغەکانی لێکۆڵینەوە و لێپرسینەوە، بە دانانی بارمتە ئازاد کرابوو.