بەپێی ڕاپۆرتەکان، ٢٢ بەندکراوی سیاسی خەڵکی ئیسفەهان، لە لایەن دەسەڵاتی دادوەری ڕژیم، سەرجەم بە ١٦١ ساڵ زیندانی تەعزیری و سزای تەکمیلی مەحکووم کراون.
ناوی ئەم ٢٢ کەسە “سەمانە عەموشاهی، مریەم فەرهەنگ، مەرجان بەشتام، مینا نێدایی، زەینەب پەرەندە، مینو حەیدەری، زەهرا سولەیمانی، شەمیم بەهارزادە، مەهشاد کێشانی، هۆدا سادقی، عێرفان خەلیلیان، مێهرشاد بۆرجیان، پوویا تالێبیان، کیان تالێبی، رووزبە دانا، پوویا دانا، محەممەدڕەزا قۆتبی زادە، سیما تۆرکیان، محەممەد سۆخەنوەر، ئەمیر عەجەمیان، پارسا حاجی ئاقایی و ئەمیر سالاری” ڕاگەیەندراوە. شایانی باسە، سەمانە عەموشاهی تەمەن ٣٣ ساڵ، لە لایەن لقی یەکی دادگای شۆڕشی ئیسفەهان بە تۆمەتی “پێکهێنانی گرووپ بەمەبەستی تێکدانی ئەمنییەتی نیشتمانی” و “سووکایەتی بە خامنەیی” سەرجەم بە ٢٣ ساڵ زیندان مەحکووم کراوە. هەروەها مینو حەیدەری و مەرجان بەشتام، هەرکام بە تۆئمەتگەلێکی وەک “پێکهێنانی گرووپ بەمەبەستی تێکدانی ئەمنییەتی نیشتمانی” بە ١١ ساڵ زیندان مەحکووم کراون. “شەمیم بەهارزادە”ش بە تۆمەتی “پڕوپاگاندا لەدژی نیزام” و “سووکایەتی بە خامنەیی” سەرجەم بە ٨ ساڵ زیندان مەحکووم کراوە. هەروەها مریەم فەرهەنگ، مینا نێدایی، زەینەب پەرەندە، زەهار سولەیمانی، مەهشاد کێشانی، هۆدا سادقی، عێرفان خەلیلیان، مێهرشاد بۆرجیان، پوویا تالێبیان، کیان تالێبی، رووزبێ دانا، پوویا دانا، محەممەدڕەزا قۆتبی زادە، سیما تۆرکیان، محەممەد سۆخەنوەر، ئەمیر عەجەمیان، پارسا حاجی ئاقایی و ئەمیر سالاری”ش، هەرکام بە ٦ ساڵ زیندانی تەعزیری مەحکووم کراون.