قوربانی بوونی زیاتر لە ٢٠ کەس بەهۆی هێرشی خۆکوژی لە پاکستان
دوشەممە ۱۵-۱۲-۱۴۰۱ | 06-03-2023
لە ئەنجامی هێرشێکی خۆکوژی لە باشووری ڕۆژئاوای پاکستان، لانیکەم ٢٢ کەس گیانیان لەدەستدا و بریندار بوون.
ڕۆژی دووشەممە ١٥ی ڕەشەممە، لەئەنجامی هێرشێکی خۆکوژی لە ئەیالەتی بەلوچستان، ٩ کەس لە هێزەکانی پۆلیس گیانیان لەدەستدا و ١٣ کەسی دیکەش کە زۆربەیان کەسانی مەدەنی بوون بریندار بوون. جێگەی ئاماژەیە، ئەمە دووهەم هێرش بووە لە ماوەی ٢٤ سەعاتی ڕابردوودا و هەتا کاتی بڵاوکردنەوەی ئەم هەواڵە هیچ کەس یاخود لایەنێک بەرپرسیارەتی ئەم هێرشانەی نەگرتووەتە ئەستۆ.