Komala

ڕۆژی دووشه‌ممه‌ ٢٥ی به‌فرانبار، له‌ سێ ڕووداوی جیاجیای شوێنی كاردا له‌ شاره‌كانی ساوه‌، عه‌سه‌لوویه‌ و هه‌مه‌دان، دوو كرێكار به‌هۆی نه‌بوونی ئیمه‌نی گیانیان له‌ده‌ست دا و ٧ كرێكاری دیكه‌ش بریندار بوون.
به‌پێی ڕاپۆرته‌كان، به‌هۆی ته‌قینه‌وه‌ی مه‌خزه‌نی توانه‌وه‌ی ئاسن له‌ كارخانه‌ی “كوشا نوین پارس” له‌ شارستانی ساوه‌، ٧ كرێكار بریندار بوون كه‌ باری ته‌ندرووستی دوو كه‌سیان ناجێگیره‌. له‌ شاری عه‌سه‌لوویه‌ كرێكارێكی شاغڵ له‌ فازی ١٤ی پارسی جنووبی به‌هۆی به‌ركه‌وتن له‌گه‌ڵ به‌رقی فشار قه‌وی گیانی له‌ده‌ستدا. له‌لایه‌كی دیكه‌وه‌ كرێكارێكی سیمبان له‌ شاری هه‌مه‌دان له‌ كاتی كاركردندا به‌هۆی به‌رق گرتوویی به‌سه‌ختی بریندار و پاش گواستنه‌وه‌ی بۆ نه‌خۆشخانه به‌هۆی قورسی برینه‌كانی گیانی له‌ده‌ستدا.