كۆبوونه‌وه‌ی نارەزایەتی كرێكارانی شاره‌داری تاران و په‌ره‌ند
سێشەممە ۲۱-۰۹-۱۴۰۲ | 12-12-2023
ڕۆژی دووشه‌ممه ٢٠ی سه‌رماوه‌ز، كرێكارانی شاره‌داریه‌كانی تاران و په‌ره‌ند له ناڕه‌زایه‌تی به بارودۆخی خراپی پیشه‌یی و بەرێچوونیان ناڕه‌زایه‌تیان ده‌ربڕی.
به‌پێی ڕاپۆرته‌كان، كرێكارانی شاره‌دارییه‌كانی تاران و په‌ره‌ند له ئاست نه‌دانی حه‌قده‌سته دواخراوه‌كانیان ناڕازین و ڕایانگەیاندوە؛ دەبێ ئاستی حه‌قده‌ستەکانیان به‌پێی هێڵی هه‌ژاری زیاد بكرێت. كرێكارانی ناڕازی هه‌روه‌ها خوازیاری ئه‌منیه‌تی پیشه‌یی و بیمه‌ی ده‌رمانی، گۆڕانی گرێبه‌سته‌كان و چاكسازی له بواری ژیان و مه‌عیشه‌تیان بوون.