لێدان و ئەزیەت و ئازاری نازیلا مه‌عرووفیان له شاری تاران
چوارشەممە ۳۱-۰۳-۱۴۰۲ | 21-06-2023
ڕۆژی سێشه‌ممه ٣٠ی جۆزه‌ردان، نازیلا مه‌عرووفیان ڕۆژنامه‌نووسی خه‌ڵكی سه‌قز، له گه‌ڕه‌كی تیاتری شاری تاران له‌لایه‌ن هێزه‌كانی یه‌گان ویژەی ڕژیم به‌سختی ئه‌شكه‌نجه و ئازار درا.
به‌پێی ڕاپۆرته‌كان، “نازیلا مه‌عرووفیان” له ڕه‌وتی شۆڕشی “ژینا” به بیانووی وتوووێژ له‌گه‌ڵ باوكی “ژینا” له‌لایه‌ن ئیداره‌ی ئیتلاعاته‌وه ده‌ستبه‌سه‌ر و بۆ ماوه‌یه‌ك له زیندانی ئێڤین به‌ند كرا. ناوبراو ماوه‌یه‌ك له‌وه‌پێش باسی له هه‌ڕه‌شه‌ی ناوه‌نده ئه‌منیه‌تیه‌كان و له‌سه‌ركار دوورخستنه‌وه‌ی كردبوو، هه‌وره‌ها ڕۆژی ڕابردوو هێزه‌كانی یه‌گان ویژەی ڕژیم له گه‌ڕه‌كی “تیاتری شاری تاران” ئه‌و لاوه‌یان داوه‌ته به‌ر لێدان و به‌سه‌ر عه‌رز دا ڕایانكێشاوه و ئێستا هیچ زانیارییه‌ك سه‌باره‌ت به چاره‌نووسی له‌به‌رده‌ستدا نییه.