ڕۆژی چوارشه‌ممه ١٤ی به‌فرانبار، كرێكارانی پترۆشیمی چوار له ئیلام، كرێكارانی سیمبانی ئیداره‌ی به‌رقی تاران و كرێكارانی كارخانه‌ی سیمانی ئاباده له ناڕه‌زایه‌تی به جێبه‌جێ نه‌كرانی داخوازییه‌كانیان كۆبوونه‌وه‌ی نارەزایەتیان بەڕیوە برد.
كرێكارانی پترۆشیمی چوار له ئیلام خوازیاری چوونه‌سه‌ره‌وه‌ی ئاستی حه‌قده‌ست و دانی مه‌زایا و گۆڕانی بارودۆخی پیشه‌ییان بوون و سه‌ره‌تا كۆبوونه‌وه‌كه‌یان له نێو حه‌وشه‌ی پترۆشیمی و پاشان له‌به‌رده‌م فه‌رمانداری و ئیداره‌ی كار به‌ڕێوه‌برد، له‌لایه‌كی دیكه‌وه ٢٠٠ كرێكاری سیمبانی ئیداره‌ی به‌رقی تاران له كۆبوونه‌وه‌یه‌كی ناڕه‌زایه‌تییدا خوازیاری چوونه‌سه‌روه‌ی ئاستی حه‌قده‌سته‌كانیان به‌پێی هێڵی هه‌ژاری بوون و كرێكارانی كارخانه‌ی سیمانی ئاباده له ناڕه‌زایه‌تی به پێنه‌دانی حه‌قده‌ست و مه‌زایا دواخراوه‌كانیان كۆبوونه‌وه.