مەترسی دیپۆرت کرانەوەی پەناخوازێکی سیاسی لە تورکییە
شەممە ۱۳-۰۳-۱۴۰۲ | 03-06-2023
“فەرهاد خەلیل زادە” پەنابەری سیاسی نزیک بە ٨ مانگە لە لایەن هێزەکانی پۆلیسی وڵاتی تورکییەوە دەستبەسەر کراوە و هەنووکەش مەترسیی دیپۆرتکردنەوەی بۆ ئێرانی لەسەرە.
لەم پەیوەندییەدا سەرچاوەیەکی ئاگادار ڕاگەیاندووە: فەرهاد خەلیل زادە، ئەندامی یەکێک لە حیزبە سیاسیەکانی کوردستان بووە و ماوەی ١٣ ساڵ لە هەرێمی کوردستان چالاکیی سیاسیی هەبووە. ئەو هاووڵاتییە ماوەی ٨ مانگە دەستبەسەر کراوە و ئێستاش کە مەترسیی دیپۆرتکردنەوەی بۆ ئێرانی لەسەرە، بارودۆخی یاسایی ناوبراو ناڕوونە. جێگەی ئاماژەیە، لە ئێستادا سەرەڕای ئەوەی کە لە بەندیخانەیەکی تورکییە بە نەخۆشییەکانی دڵ و دەمار تووش بووە، هێشتا پشکنین و چارەسەریی پزیشکی بۆ نەکراوە.