مەهاباد؛ ئومید مەزڵووم بە دانانی بارمتە ئازاد بوو
چوارشەممە ۰۸-۰۶-۱۴۰۲ | 30-08-2023
ڕۆژی سێشەممە، ٧ی خەرمانان، ئومید مەزڵووم، برای موحسن مەزڵووم، زیندانیی سیاسی، بە دانانی بارمتەی یەک میلیارد و ١٠٠ میلیۆن تمەنی و بە شێوەی کاتی، لە زیندانی مەهاباد ئازاد بوو.
ئومید مەزڵووم، لە ماوەی دەسبەسەرکرانیدا لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری بووە.
سەرلەبەیانیی ڕۆژی سێشەممە، ٣ی گەڵاوێژ، ئومید مەزڵووم، برای موحسن مەزڵووم، زیندانیی سیاسی خەڵکی مەهاباد، لەلایەن هێزە ئەمنییەتییەکانەوە دەسبەسەر کرا و لە تۆمەتە وەپاڵدراوەکان دژی ناوبراو زانیارییەک لەبەر دەستدا نییە.