سەرەڕای تێپەڕبوونی نزیکەی مانگێک بەسەر دەستبەسەر کرانی “ئەژدەر دودکانلو میلان”، “زابت وەلیلوو قزڵباش” و “فەریاد حاجی زادە”، سێ هاووڵاتیی خەڵکی سەڵماس، تاکوو ئێستا لە زیندانی ناوەندیی ئەمشارە دەستبەسەر کراون و چارەنووسیان نادیارە.
بەوتەی سەرچاوەیەکی نزیک لە بنەماڵەی ئەم هاووڵاتییانە، مۆڵەتی دەستبەسەرکرانی کاتی ئەم سێ هاووڵاتییە کە نزیکی دوو حەفتە لەمەوبەر، لە دەستبەسەرگەی ئیتلاعاتی سپا بۆ زیندانی ناوەندیی سەڵماس گواستراونەتەوە، بۆ یەک مانگی دیکە نوێ کراوەتەوە. ئەژدەر دودکانلو میلان، زابت ولیلوو قزڵباش و فەریاد حاجی زادە دە ڕۆژی سەرەتای دەستبەسەریان لە دەستبەسەرگەی ئیتلاعاتی سپا بەبێ هەبوونی مافی پەیوەندی کردن لەگەڵ بنەماڵەکانیان و هەبوونی دادوەر بەسەر بردووە. جێگای ئاماژەیە، ئەم هاووڵاتییانە لە سەرەتای مانگی ڕێبەندانی ئەم ساڵ، لەلایەن هێزەکانی ئیتلاعاتی سپای پاسداران دەستبەسەر و تاکوو ئێستا، هیچ زانیارییەک لەسەر هۆکاری دەستبەسەر کران و ئەو تۆمەتانەی دراونەتە پاڵ ئەم هاووڵاتییانە لەبەر دەست نییە.