Komala

بە پێی ڕاپۆرتەکان، ڕۆژی سێشەممە ٧ی ڕەشەممە، فواد ئەحمەدی تەمەن ٤٦ ساڵ و خەڵكی شاری سنە، لە لایەن هێزەکانی ئیدارەی ئیتلاعات لەم شارە بە بەكارهێنانی توندوتیژی و دروستكردنی ترس و دڵەڕاوكێ، دەستبەسەر و بۆ شوێنێكی نادیار گواستراوەتەوە.
شایانی باشە، ئەم هاووڵاتییە ساڵی ڕابردوو لە لایەن هێزە ئەمنییەكانەوە دەستبەسەر و دوای ١٧ ڕۆژ لە زیندان ئازاد كرابوو. بە گوێرەی سەرچاوەیەكی ئاگادار، سەرەڕای تێپەڕینی چوار ڕۆژ لە كاتی دەستبەسەركردنی فواد ئەحمەدی، بەدواداچوونی بنەماڵەی ئەم هاووڵاتییە بەمەبەستی ئاگاداربوون لە چارەنووس و بارودۆخی ناوبراو بێ ئاكام ماوەتەوە. جێگای ئاماژەیە، تا كاتی داڕشتنی ئەم ڕاپۆرتە، زانیارییەكی ورد لەسەر هۆكاری دەستبەسەركران، تۆمەتە سەپێندراوەكان، شوێنی ڕاگرتن و چارەنووسی ئەم هاووڵاتییە لەبەر دەستدا نییە.