Komala

بەپێی ڕاپۆرتەکان، سەرەڕای تێپەڕبوونی ١٤ ڕۆژ بەسەر دەستبەسەرکرانی “حەسەن ئەهار”، هاووڵاتیی تەمەن ٤٥ ساڵی خەڵکی شاری بۆکان، تا ئێستا زانیارییەک لەسەر چارەنووس و بارودۆخی ناوبراو لەبەر دەستدا نییە و لەو ماوەیەدا لە مافی پەیوەندیی تەلەفۆنی لەگەڵ بنەماڵە و کەسوکاری بێبەش بووە.
حەسەن ئەهار ڕۆژی یەکشەممە ٢ی بەفرانبار، لە شوێنی کارەکەی خۆی لە لایەن هێزەکانی ئیدارەی ئیتلاعاتی ئەو شارە دەستبەسەر کرا و بۆ شوێنێکی نادیار گواسترایەوە. شایانی باسە، بەدواداچوونەکانی بنەماڵەی ئەو هاووڵاتییە بەمەبەستی ئاگاداربوونەوە لە چارەنووس و بارودۆخی ناوبراو تا ئێستا بێ ئاکام ماوەتەوە و ناوەندە ئەمنییەکان لە دانی هەر جۆرە وەڵامێک لەو بارەیەدا خۆیان بواردووە و سەبارەت بە میدیایی کردنەوەی ئەو بابەتە هەرەشەیان لێکردوون.