Komala

سەرەڕای تێپەڕبوونی ٨ ڕۆژ لە بەدواداچوونە بەردەوامەکانی بنەماڵەی “ئیدریس محەممەدزادە” هاووڵاتیی دەستبەسەرکراوی خەڵکی شاری مەهاباد، تا ئێستاش زانیارییەک لەسەر چارەنووسی ناوبراو لەبەر دەستدا نییە و ناوەندە حکومەتییەکان لە وەڵامدانەوە لەو باریەدا خۆ دەبوێرن.
شایانی باسە، ئیدریس محەممەدزادە لەو ماوەدا لە مافی چاوپێکەوتن لەگەڵ بنەماڵەکەی و دەستڕاگەیشتن بە پارێزەر بێبەش بووە. ئەو هاووڵاتییە ڕۆژی شەممە ٤ی ڕەشەممە، دوای بانگکران لە ڕێگای پەیوەندیی تەلەفۆنی بۆ ئیدارەی ئیتلاعاتی مەهاباد دەستبەسەر و هەتا کاتی داڕشتنی ئەم هەواڵە، زانیارییەکی ورد لەسەر هۆکارەکانی دەستبەسەرکران، ئەو تۆمەتانەی دراونەتە پاڵ ئەو هاووڵاتییە و چارەنووس و شوێنی ڕاگرتنی لەبەر دەستدا نییە.