Komala

هاووڵاتییەکی خەڵکی گوندی “تاڵاو”ی سەر بە شاری مەهاباد بە ناوی “سلێمان حاجی خزری” تەمەن ٣٠ ساڵ، ڕۆژی یەکشەممەی ڕابردوو لەلایەن هێزە ئەمنییەتییەکانی ئەمشارەوە دەستبەسەر و هەتا ئێستا هیچ زانیارییەک لە چارەنووسی لەبەر دەستدا نییە.
بە وتەی سەرچاوەیەکی ئاگادار، هێزەکانی ئیتلاعاتی سپا بە بێ هیچ هۆکارێک ئەم هاوولاتییەیان دەستبەسەر کردووە و ڕاپێچی شوێنێکی نادیار کردووە. تاکوو ئێستا بەدواداچوونی بنەماڵەی ئەم هاووڵاتییە بۆ ئاگاداربوونەوە لە دۆخی کوڕەکەیان بێئاکام ماوەتەوە. جێگای ئاماژەیە، تاکوو کاتی بڵاوکردنەوەی ئەو هەواڵە، لە هۆکاری دەستبەسەرکران و تۆمەتە وەپاڵدراوەکان دژی سلێمان حاجی خزری زانیارییەک لەبەر دەستدا نییە.