Komala

بەپێی ڕاپۆرتەکان، لە ١٣ ڕۆژ لەمەوبەرەوە “بەیان فەرجوڵاهی” چالاکی مەدەنی خەڵکی شاری سنە، لە لایەن هێزەکانی ڕژیمەوە دەستبەسەرکراوە و هیچ زانیارییەک لە چارەنووسی لەبەردەستدا نییە.
بەوتەی سەرچاوەیەکی ئاگادار، بەیان فەرەجوڵاهی، تەمەن ٣٨ ساڵ لە هەموو مافە سەرەتاییەکانی خۆی لەکاتی دەستبەسەریدا، لەوانە مافی دیدار لەگەڵ بنەماڵە و دەستڕاگەیشتن بە پارێزەر بێ بەری کراوە. جێگای ئاماژەیە کە، شەوی دووشەممە ٢٦ی پووشپەڕ، بەیان فەرەجوڵڵاهی لە ماڵەکەی خۆیدا لەلایەن هێزەکانی ڕژیمەوە دەستبەسەرکرا و بۆ شوێنێکی نادیار گواستراوە.