Komala

سەرەڕای تێپەڕبوونی زیاتر لە ٧ مانگ بەسەر دەستبەسەرکرانی هاووڵاتییەکی خەڵی نەغەدە بە ناوی “ڕامین زلە”، ناوبراو هێشتا هەروا دەستبەسەرە و چارەنووسی لە زیندانی نەغەدە ناڕوونە.
بە وتەی سەرچاوەیەکی ئاگادار، دادگا دژایەتیی لەگەڵ ئازادیی کاتی ئەم هاووڵاتییە هەتا کۆتاییهاتنی قۆناغەکانی لێپرسینەوەکەی کردووە. شایانی باسە، ئەم هاووڵاتییە پاش کۆتاییهاتنی قۆناغەکانی لێپرسینەوە ڕەوانەی زیندانی نەغەدە کراوە. جێگای ئاماژەیە، ڕامین زلە ڕۆژی دووشەممە ١ی گەلاوێژی ١٤٠٣، لە لایەن هێزە ئەمنییەکانی ڕژیم لە ماڵەکەی خۆی دەستبەسەر و ڕاپێچی گرتووخانەی ئیتلاعاتی نەغەدە کرابوو. هەتا کاتی داڕشتنی ئەم هەواڵە، سەبارەت بە هۆکاری دەستبەسەرکران و تۆمەتە وەپاڵدراوەکان دژی ڕامین زلە زانیارییەک لەبەر دەستدا نییە.