Komala

بەپێی ڕاپۆرتی هەواڵنێریی دویچە وێلەی فارسی، ڕژیمی کۆماری ئیسلامی لە ڕێگەی کانتینێرەکانی گەیاندنی یارمەتی مرۆڤدوستانە بۆ خەڵکی بوومەلەرزەلێدراوی سوورییە، هەوڵی ناردنی چەک و چۆڵی نیزامی بۆ میلیشیاکانی ژێر کۆنتڕۆڵی خۆی کردووە.

بەپێی ئەم ڕاپۆرتە، ڕۆژنامەی واشینگتۆن پۆست بە پشت بەستن بە زانیارییە ڕیزبەندی کراوەکانی ئەمریکا و کاربەدەستێکی نیزامی ئیسرائیل، لە ڕاپۆرتێکیدا ڕایگەیاندووە کە بە دوای ڕوودانی بوومەلەرزە لە ناوچە سنوورییەکانی تورکییە و سوورییە، سپای پاسداران و میلیشیاکانی سەر بە کۆماری ئیسلامی، چەک و چۆڵیان لەژێر ناوی یارمەتی گەیاندنی مرۆڤدۆستانە بۆ سوورییە ناردووە.