ناڕوونیی چارەنووسی موحەمەد عەینی چالاکی دەسبەسەرکراوی خەڵکی ئازەبایجان
شەممە ۱۶-۱۱-۱۴۰۰ | 05-02-2022
موحەمەد عەینی چاڵاکی تورکی خەڵکی ئازەربایجان و نیشتەجێی شاری ڕەشت، سەرەڕای تێپەڕینی ١٢ ڕۆژ لە کاتی دەسبەسەرکرانی، هیچ زانیارییەک لە شوینی ڕاگیران و چارەنووسی نابراو لەبەردەستدا نییە.
موحەمەد عەینی ڕێکەوتی ٣ی ڕێبەندان دوای ئامادەبوونی لە ئیدارەی ئیتلاعاتی شاری ڕەشت دەسبەسەر و بۆ شوینێکی نادیار ڕاگوێزراوە. بە پێی زانیارییەکان ناوبراو لە کاتی دسبەسەرکردنییەوە هەتا ئێستا هیچ پەیوەندییەکی تەلەفۆنی لەگەڵ بنەماڵەکەی نەگرتووە و سەرەڕای پەیگیربوونی چەندین جارەی بنەماڵەکەی، ناوەندە ئەمنییەکان لە هۆکاری دەسبەسەرکران و شوینی ڕاگیرانی ئەو چالاکە خۆیان بواردووە.