Komala

بەپێی ڕاپۆرتی ڕێکخراوێکی مافی مرۆڤ، بەهۆی نوقم بوونی بەلەمی کۆچبەران لە ئاوەکانی دوورگەی “لامپێدۆزا”ی ئیتالیا، زیاتر لە ٤٠ کۆچبەر خنکاون.
شایانی باسە، دوای دۆزینەوەی کچێکی تەمەن 11 ساڵ کە لە بەلەمەکدا بووە، وتوویەتی: لەناو بەلەمەکەدا نزیکە 40 کەسی تێدا بووە. هەر لەم پێوەندەدا، ڕێکخراوی “کۆمپاس کۆلێکتیڤ” کە یارمەتی ڕزگارکردنی کۆچبەران دەدات لە دەریای ناوەراست ڕایگەیاندووە، جگە لەو کچە تەمەن 11 ساڵەیە، لەناو بەلەمەکەدا ٤٤ کەسی تێدا بووە و سەرجەمیان خنکاون. جێگای ئاماژەیە، ئەم بەلەمە لە شاری “سەفاقس”ی تونێسەوە بەڕێکەوتووە، بەڵام بەهۆی زریانێکەوە نوقم بووە.