هاوسەرگیری زۆرەملێ، بوو بە هۆکاری خۆکوشتنی کچێکی مێرمنداڵی خەڵکی شاری هەرسین
سێشەممە ۰۴-۰۷-۱۴۰۲ | 26-09-2023
کچێکی مێرمنداڵی تەمەن ١٧ ساڵ و خەڵکی شاری هەرسین سەر بە پارێزگای کرماشان، بە هۆی گوشاری بنەماڵەکەی بۆ هاوسەرگیری زۆرەملێ، کۆتاییی بە ژیانی خۆی هێنا.
ڕۆژی یەکشەممە ٢ی ڕەزبەر، پەریا تاکستانیزادە وەرمەڵێ، خەڵکی شاری هەرسین، دوای قەبووڵنەکردن و نەچوونەژێرباری هاوسەرگیری زۆرەملێ و پێکهێنانی ژیانی نادڵخوازی خۆی لەگەڵ ئامۆزاکەی لەلایەن بنەماڵەکەیەوە، کۆتاییی بە ژیانی خۆی هێنا.
تەرمی ئەو کچە مێرمنداڵە ڕۆژی دووشەممە، ٣ی ڕەزبەز لە گۆڕستانێکی شاری هەرسین ئەسپەردە کرا.