Komala

ئاژانسی هەواڵی فەلەستین بڵاویکردەوە، ئەمڕۆ پێنجشەممە ١٧ی جۆزەردان، لە ئەنجامی بۆردومانەکەی ئیسرائیل بۆ سەر خوێندنگەیەکی سەر ئۆنروا، دەیان فەلەستینی کوژراون و برینداربوون کە زۆرینەیان منداڵن.
ئاژانسەکە لەسەرچاوە ناوخۆییەکانەوە بڵاوی کردووەتەوە، هێزەکانی ئیسرائیل قوتابخانەی “ئەلسەردی”یان لە کەمپی نوسیرات کردووەتە ئامانج کە هەزاران ئاوارە لەو قوتابخانەیەدا نیشتەجێن. هاوکات سپای ئیسرائیل بەرپرسیارێتی هێرشەکەی بۆ سەر ئەو قوتابخانەیەی سەر بە نەتەوە یەکگرتووەکان گرتووەتە ئەستۆ.