Komala

ڕۆژی شەممە ٢٩ٚی بەفرانبار، هێزەکانی سوورییەی دێمۆکرات (هەسەدە) ڕاگەیەندراوێکی بڵاو کردەوە کە تێیدا هاتووە، فڕۆکە جەنگییەکانی تورکییە گوندەکانی تینە و جەعدەیان لە باشووری کۆبانی کردووەتە ئامانج.
هەروەها ڕوانگەی سووری بۆ مافەکانی مرۆڤ، بڵاوی کردووەتەوە، فڕۆکە جەنگییەکانی تورکییە ناوچەکانی دەوروبەری بەنداوی تشرین و ژمارەیەک گوندی نزیک لە کۆبانیان بۆردومان کردووە، کە بووەتە هۆی گیانلەدەستدان و برینداربوونی ژماەرەیک هاووڵاتیی مەدەنی. جێگای ئاماژەیە، ماوەی زیاتر لە مانگێکە، تورکییە و گرووپە چەکدارەکانی سوورییە هێرشی چڕیان بۆ سەر ناوچەکانی بەنداوی تشرین و پردی قەرە قۆزاک دەست پێکردووە کە لە لایەن هێزەکانی سوورییەی دێمۆکراتەوە کۆنترۆڵ کراون.