هێرشی هێزەکانی پۆلیسی فەڕانسە بۆ سەر پەناخوازان لە پاریس
سێشەممە ۲۸-۱۲-۱۴۰۳ | 18-03-2025
ڕاپۆرتەکان باس لەوە دەکەن کە ئەمڕۆ سێشەممە ٢٨ی ڕەشەممە، هێزەکانی پۆلیسی فەڕانسە،لە شاری پاریس هێرشیان کردووەتە سەر ئەو پەناخوازانەی کە لە بینای شانۆگەری “گێتە لیریک” نیشتەجێ کرابوون.
شایانی باسە، ئەم پەناخوازانە کە ژمارەیان ٤٠٠ کەس دەبوو، لەم شوێنە بە زۆر کراونەتە دەرێ. ئەمە لە حاڵێکدایە کە بە سەدان کەس لە ئێعتڕاز بەم هەوڵەی دەوڵەتی فەڕانسە، لە بەرامبەر بینای شانۆگەری گێتە لیریک دەستیانداوەتە کۆبوونەوە. ڕاپۆرتەکان ئاماژە بەوەش دەکەن کە هێزەکانی پۆلیس بە مەبەستی بڵاوەپێکردن بە ناڕازییان لە گازی فرمێسکڕێژ کەڵکیان وەرگرتووە.