هێرشی هێزەکانی پۆلیس بۆسەر کۆبوونەوەی ناڕەزایەتیی کرێکارانی واگۆنی پارس لە ئەراک
یەکشەممە ۱۱-۰۶-۱۴۰۳ | 01-09-2024
بەپێی ڕاپۆرتەکان، لەئەنجامی درێژەی ناڕەزایەتیی کرێکارانی شیرکەتی واگۆنی پارس بۆ ٣٦مین ڕۆژ، هێزەکانی ڕژیم هێرشیان کردە سەر ناڕازییان و تێکهەڵچوون لەنێوانیاندا هاتە ئاراوە.
بەپێی ئەو گرتە ویدیۆیانە کە لە تۆڕە کۆمەڵایەتییەکان بڵاوکراونەتەوە، هێزەکانی ڕژیم بە شێوەیەکی دڕندانە هێرشیان بردووەتە سەر کۆبوونەوەی کرێکارانی ناڕازیی شیرکەتی واگۆنی پارس و بەهۆیەوە ژمارەیەک لە کرێکاران، برینداربوون و گواستراونەتەوە بۆ نەخۆشخانە و ژمارەیەکیش دەستبەسەر کراون.