هێرشی هێزەکانی ڕژیم بۆ سەر کۆبوونەوەی بنەماڵەی بەندکراوانی مەحکووم بە ئێعدام لە کەرەج
شەممە ۳۰-۰۲-۱۴۰۲ | 20-05-2023
بەپێی ڕاپۆرتەکان، هێزەکانی ڕژیم ڕۆژی هەینی ٢٩ی گوڵان، لە ڕێگەی بەکارهێنانی چەکی گەرم، هێرشیان کردە سەر کۆبوونەوەی بنەماڵەی بەندکراوانی مەحکووم بە ئێعدام لە بەرامبەر زیندانی ناوەندی کەرەج و بەهۆیەوە، لانیکەم ١٠ هاووڵاتیی بریندار بوون.
جێگەی ئاماژەیە، ڕۆژی ڕابردوو بنەماڵەی بەندکراوانی مەحکووم بە ئێعدام بە مەبەستی دەربڕینی ناڕەزایەتیی و پێش گرتن بە ئێعدامی ڕۆڵەکانیان، لە بەرامبەر زیندانی ناوەندی کەرەج دەستیان دابووە کۆبوونەوە و خوازیاری ڕاگیرانی ئێعدامی ڕۆڵەکانیان ببوون.