Komala

ڕوانگەی سووری بۆ مافەکانی مرۆڤ بڵاوی کردووەتەوە؛ شەوی ڕابردوو ژمارەیەک چەکداری نەناسراو کە ماتۆڕسکیلیان پێ بووە، لە گوندی حەیالینی دەوروبەری پارێزگای حەما دەستڕێژیان بەناو مزگەوتی گوندەکەدا کردووە و لە ئەنجامیدا، چوار کەس کوژراون و شەش کەسی دیکەش برینداربوون، کە برینی بەشێکیان سەختە.
ڕوانگەی سووری باسی لەوەش کردووە؛ دوابەدوای ڕووداوەکە، هێزێکی ئەمنیی زۆر ڕەوانەی ناوچەکە کراوە بۆ دۆزینەوەی ‌‌چەکدارەکان. هاوکات ماڵپەڕە میدیاییە ناوخۆییەکانی سوورییە بڵاویان کردووەتەوە، چەکدارەکان لەکاتی نوێژی تەراویح چوونە ناو مزگەوتەکە و دەستڕێژیان لە ئامادەبووان کردووە.