Komala

میدیاکانی نزیک لە بەرەی مقاوەمەت بڵاویان کردووەتەوە، شەوی شەممە لەسەر یەکشەممە ١٤ی گەلاوێژ، هێزەکانی حزبوڵڵای لوبنان زیاتر لە ٥٠ ڕاکێتی کاتیۆشای گرتووەتە باکووری ئیسرائیل. 
هاوکات وەزارەتی بەرگری ئیسرائیل ڕایگەیاندووە، سیستمی بەرگری ئاسمانی ناسراو بە (گومبەزی ئاسنین) زۆربەی مووشەکەکانی حزبوڵلای خستووەتە خوارەوە. هەر دوێنێ شەممە، حزبوڵلای لوبنانی نزیکەی ٦٠ ڕاکێتی کاتیۆشای ئاراستەی ناوچە ئەلجەلیل لە باکووری ڕۆژئاوای ئیسرائیل کرد. بە گوێرەی ڕاگەیەندراوی وەزارەتی بەرگری ئیسرائیل ١٥ ڕاکێت لەلایەن سیستمی بەرگریی گومبەزی ئاسنینەوە تێک شکێنراون. شایانی باسە، لە هێرشە نوێیەکانی حزبوڵلای لوبنان، یەکەم جارە ناوچەکانی ئەلجەلیل و بەیت هیلەل لە باکووری ئیسرائیل بۆمباران دەکرێن.